«Біз біргеміз!» тренингтік сабағы
Топтағы микроклиматтың маңыздылығын асыра бағалау қиын. Позитивті микроклимат мәселелерді тез шешуге ықпал етеді. Оң психологиялық көзқарас көңіл-күйді жақсартады, оптимизмді дамытады және бірлескен жұмыстың сәттілігіне ықпал етеді. Керісінше, жанжалдар тепе-тең күйден шығарып, оқу қызметіне теріс әсер етеді. Демек, ізгілік, өзара көмек атмосферасы мақсатқа тезірек жетуге көмектеседі.
2021 жылғы 10 қыркүйекте Қазақ ұлттық хореография академиясында интернатта тұратын колледждің 1 курс студенттеріне арналған «Біз біргеміз!» атты тренингтік сабақ өтті.
Сабақтың мақсаты студенттерді топтастыру арқылы жалпы командалық рухты қалыптастыру және нығайту, топ ішінде қолайлы психологиялық ахуал қалыптастыру, топта жұмыс істеу қабілетін дамыту болды.
Тренингтік сабақ барысында қолайлы атмосфера құрылды, командалық жұмыс жүргізілді. Студенттер командалық ойындар ойнап, соңында «Достық туралы» өсиет әңгіме тыңдады.
Қорытындылай келе, сабаққа қатысушылардан кері байланыс ретінде студенттердің өміріндегі ұйымшылдық пен командалық рухты дамытудың маңыздылығына талдау жүргізілді. Қатысушылардың айтуынша, тренинг қызықты әрі пайдалы болып шықты.
