Халықаралық хореографтар байқауы

БАЙҚАУ ТУРАЛЫ

Жас хореографтар конкурсы жас қоюшы-хореографтарды қолдауға және хореографиялық өнерді дамытуға бағытталған жоғары оқу орны ішіндегі шығармашылық бастама ретінде пайда болды. Алғашында оған Академия білім алушылары қатысып, авторлық қойылымдарын ұсынып, өздерінің шығармашылық әлеуетін ашуға мүмкіндік алды.

Уақыт өте келе конкурс ауқымын едәуір кеңейтіп, республикалық мәртебеге ие болды. Оған В028 – «Хореография» білім беру бағдарламасы бойынша еліміздің жетекші шығармашылық жоғары оқу орындарының өкілдері қатыса бастады. Біртіндеп конкурс дарынды жас хореографтарды анықтау мен қолдаудың, сондай-ақ Қазақстанның білім беру ұйымдары арасындағы кәсіби және шығармашылық байланыстарды нығайтудың маңызды алаңына айналды.

Конкурстың дамуының жаңа кезеңі 2023 жылы басталды. Сол жылы конкурс алғаш рет халықаралық мәртебеге ие болып, көрнекті қазақстандық балетмейстер Болат Аюхановты еске алуға арналды. 2023 жылғы 28 наурызда конкурс Академия қабырғасында өтіп, оған қазақстандық жоғары оқу орындарымен қатар шетелдік серіктес жоғары оқу орындарының өкілдері де қатысты. Халықаралық формат қатысушылар мен қазылар алқасының географиясын кеңейтіп, Қытай, Израиль, Әзірбайжан, Қырғызстан, Ресей, Өзбекстан және Қазақстан өкілдерін бір алаңда тоғыстырды.

2024 жылы конкурс көрнекті хореографиялық өнер қайраткері Заурбек Райбаевты еске алуға арналды. 2025 жылы конкурстың тақырыбы Ұлы Отан соғысындағы Жеңістің 75 жылдығына арналды. Сол жылдан бастап Халықаралық жас хореографтар конкурсы Халықаралық гуманитарлық ынтымақтастық қорының (ХГЫҚ) қолдауымен, Балет өнерін дамыту және қолдау қорының бастамасымен бірлесіп өткізіледі. Бұл қадам халықаралық мәдени ынтымақтастықты одан әрі дамытуға және жас таланттарды қолдауға зор серпін береді.

2026 жылы конкурс Халықаралық би күніне арналды, бұл хореографиялық өнердің әлемдік мәдени дәстүрдің маңызды бөлігі және кәсіби шығармашылық қарым-қатынастың негізі екенін айқындап көрсетті.

Бүгінде конкурс хореография саласындағы халықаралық оқиға мәртебесін нығайта беруде, жас қоюшы-хореографтарды, педагогтарды біріктіріп, дәстүрлерді сақтауға және заманауи хореографиялық өнерді дамытуға үлес қосуда.

Халықаралық жас хореографтар байқауының жеңімпаздарының тізімі

2023

Болат Аюхановты еске алуға арналған Халықаралық жас хореографтар конкурсы

Байқау 2023 жылғы 28 наурызда Қазақстан, Қытай, Ресей, Өзбекстан, Израиль және Әзірбайжан өкілдерінің қатысуымен онлайн және аралас форматта өтті.

Лауреаттар:

Гран-при - Beijing Dance Academy (Қытай);
1 орын - Lai Yugian (Китай, Beijing Dance Academy);
1 орын («Хореография», аралас формат) - Сулейменова Далила;
1 орын («Спорттық бал билері») - Аманбаев Мади.

Арнай жүлделер:

Қазақ ұлттық хореография академиясы ректорының жүлдесі - Шәкібек Нұрай Әділбекқызы;
«Астана Балет» театрының бас балетмейстері Мукарам Абубахриеваның жүлдесі - Воробьева Юлиана.

2024

Заурбек Райбаевты еске алуға арналған Халықаралық жас хореографтар конкурсы

Байқау 2024 жылғы 5 сәуірде өтті және Қазақстан, Өзбекстан және Ресейдің жас хореографтарын біріктірді.

Лауреаттар:

1 орын («Хореография», аралас формат) - Кибиров Фаим;
1 орын («Спорттық бал билері», аралас формат) - Кенес Аида;
1 орын («Хореография», онлайн формат) - Кенжебаев Шерзод Алиевич;
1 орын («Спорттық бал билері», онлайн формат) - Скитецкая Милана Юрьевна.

2025

Ұлы Отан соғысындағы Жеңістің 75 жылдығына арналған Халықаралық жас хореографтар фестиваль-конкурсы

Фестиваль-конкурс 2025 жылғы 7-10 сәуір аралығында ТМД-ға қатысушы мемлекеттердің Мемлекетаралық гуманитарлық ынтымақтастық қорының қолдауымен өтті. Іс-шараға Қазақстан, Ресей, Беларусь, Қырғызстан, Өзбекстан және Әзірбайжан өкілдері қатысты.

Арнай жүлделер:

Қазақ ұлттық хореография академиясы ректорының жүлдесі - Третьякова Анастасия (Ресей);

«Астана Балет» театрының бас балетмейстері Мукарам Абубахриеваның жүлдесі - Юсупов Абай (Қазақстан);
«Гүлдер» ансамблінің бас балетмейстері Анвара Садыкованың жүлдесі - Трашкова Елизавета (Өзбекстан);
Қазақстан халқы Ассамблеясының жүлдесі - Компанец Давид (Қазақстан);
«Astana Tourism» туризмді дамыту орталығының жүлдесі - Капустина Ирина (Беларусь).

2026

Халықаралық би күніне арналған Халықаралық жас хореографтар конкурсы

Байқау Қазақстан, Ресей, Беларусь, Қырғызстан, Өзбекстан және Әзірбайжаннан келген жас хореографтарды біріктірді.

Лауреаттар:

I сыйлық — Ольга Николайчук (Мәскеу, Ресей), Бауыржан Салауатов (Астана, Қазақстан)
II сыйлық — Әліби Искандыров (Алматы, Қазақстан), Ерсұлтан Тойғұлов (Астана, Қазақстан)
III сыйлық — Анна Борщова (Минск, Беларусь), Фаим Кибиров (Алматы, Қазақстан)

Арнайы жүлделер:

«Гүлдер» ансамблінің бас балетмейстері Анвара Садықованың «Үміт» арнайы сыйлығы - Айна Мамытова (Бішкек, Қырғызстан), Злата Яблокова (Ташкент, Өзбекстан)
«Хореографиялық өнердегі ұлттық дәстүрлерді сақтағаны үшін» арнайы марапаты – Назрин Адиева (Баку, Әзірбайжан), Анита Шарипова (Уфа, Башқұртстан)
Қазақ ұлттық хореография академиясының «Надежда» арнайы сыйлығы – Мария Васенкина (Астана, Қазақстан)
Barcelona Ballet Projec жазғы тағылымдамаға арналған сертификаттары - Ерұлтан Тойғұлов, Рүстем Әмірбеков (Астана, Қазақстан), Фаим Кибиров (Алматы, Қазақстан)
Қазылар алқасының төрағасы Константин Заклинскийдің арнайы сыйлығы – Каролина Русак (Минск, Беларусь)
Astana TOURISM байқауының серіктесі – Беларусь, Ресей, Қырғызстан және Қазақстанның қатысушыларына арналған естелік наградалар.

ережелер

Халықралық жас хореограф. конкурсы туралы ереже