Бүгін Қазақ ұлттық хореография академиясының оқу театрында салтанатты шара - «Студенттер қатарына қабылдау» өтті.

Бұл — ересек мамандық жолына қадам басқан барша жастар үшін ерекше күн: дәл осы бірінші курс студенттері мерекенің басты кейіпкерлеріне айналып, кәсіби өнер мен хореография әлеміне алғашқы қадамдарын символикалық түрде жасады.

Іс-шараны Академия проректоры Айгүл Есентемірова ашып, жиналған қауымға құттықтау сөзін арнады. Ол өз сөзінде таңдалған жолдың маңызын атап өтіп, студенттерге шығармашылық батылдық, шабыт, кемелдікке ұмтылу тілеп, сондай-ақ оларға артылған үміттерді еске салды.

Мереке ерекше — «Кинематограф» стилінде өтті. Парад-алле қызыл кілеммен жүріп өтіп, көрермендер мен қонақтардың жылы қошеметімен нағыз премьера атмосферасын тудырды. Бірінші курс студенттері оқу бағыттарына сәйкес топтарға бөлінді: «Арт-менеджмент», «Креативті арт-индустрия», «Хореографиялық өнер педагогтері», «Спорттық бимен айналысатын педагогтер» және «Би ансамблінің әртісі».

Қатысушылар би, актерлік шеберлік және өнердің өзге де түрлеріндегі креативтіліктерін көрсетіп, жан-жақты әрі жарқын бағдарлама ұсынды. Жастар мерекені өздері ұйымдастырды: нөмірлер ойлап тауып, костюмдер жасап, барлық мүмкін форматтарда шығармашылық идеяларын жүзеге асырды. Іс-шара мерекелік дискотекамен аяқталды.