Құжаттарды қабылдау 2026 жылғы 1-23 маусым аралығында.
1-3 сыныпқа қабылдау тек Астана қаласында тұратын балалар үшін жүзеге асырылады.
4-сыныпқа қабылдау Қазақстанның барлық өңірінен балалар үшін жүзеге асырылады.
Қабылдау емтихандарын тапсыруға алдын ала іріктеуден өткен балалар жіберіледі.
Астана қаласында тұратын балаларға алдын ала іріктеу 2026 жылғы 1 ақпаннан 15 маусымға дейін жүргізіледі. Алдын ала іріктеу келесі мекен-жай бойынша өтеді: Ұлы дала даңғылы 43/1, Балет ғимараты, Ботаникалық бақтан кіреберіс. Алдын ала іріктеуге келесі телефондар арқылы жазылуға болады: 8 (7172) 79-85-89, 79-85-54, 79-85-84, 79-85-42, +700 508 51 00 (WhatsApp).
Қазақстанның басқа аймақтарында тұратын балалар және хореография Академиясына 4 сыныпқа оқуға түсуге үміткерлер фото бойынша іріктеуге қатыса алады. Фото бойынша іріктеу шарттарымен келесі сілтеме бойынша өтіп танысуға болады: https://balletacademy.edu.kz/foto-boynsha-aldyn-ala-karay/.
Қабылдау комиссиясына тапсырылатын құжаттар:
1. ЖСН (жеке сәйкестендіру нөмірі) көрсетілген (қоса берілген) үміткердің туу туралы куәлігінің көшірмесі;
2. педиатр, лор, невропатолог, окулист, ортопедтен медициналық тексеруден өткен денсаулық паспортының түпнұсқасы немесе емхананың бас дәрігері куәландырған көшірмесі рұқсат етіледі;
3. психдиспансерден анықтама (egov.kz сайтынан жүктеп алыңыз);
4. Баланың ЭКГ нәтижесі (кардиологтың қорытындысы);
5. 3х4 көлеміндегі фотосурет (4 дана).
Қабылдау емтихандары 3-турда өтеді:
1-тур: баланың табиғи және физикалық деректерін бағалау;
2-тур: медициналық комиссия;
3-тур (шығармашылық): 2-минуттан аспайтын биді орындау.