Қазақстанның ұлттық хореография академиясының студенттері мен түлектері Сингапурде өткен Шығыс Азиядағы ең жарқын шаралардың бірі — Чингэй парадында Қазақстанды лайықты түрде танытты. Бұл жарқын фестиваль алғаш рет 1973 жылы Ли Куан Юдің бастамасымен ұйымдастырылып, елдің мәдени көптүрлілігінің символына айналып, жыл сайын әлемнің түкпір-түкпірінен мыңдаған қатысушыларды тартады.

Бұл жылы парад Сингапурдың тәуелсіздігінің 60 жылдығына арналып, әртүрлі шығармашылық ұжымдарды біріктірді. Қазақстан делегациясы көрермендерге «Тойбастар» атты хореографиялық жарқын нөмірін ұсынды. «Астана Опера» театрының артисті, хореограф және Академияның түлегі Сұлтанбек Гумар өз әсерлерімен бөлісті:

«Біз бұл парадқа арнайы дайындалдық. Кеште «Тойбастар» шығармасын көрсеттік. Бұл қойылымда біз қазақтың ұлттық ойындары мен рухани байлығын заманауи стильде көрсеттік. Қазақ халқының бай мәдениетін көрсете алдық деген үміттеміз.»

Қазақстандық әртістердің өнері мерекенің маңызды бөлігі болып, ұлттық дәстүрлердің ерекше болмысын және халық өнеріне қазіргі көзқарасты көрсетті.