АЛТЫН ҰЯ

Мектеп-интернаттың өз дәстүрлері бар, олардың ішінде жатақханамен таныстыру рәсімі – «Сәлем, Алтын Ұя», бірінші курс студенттерінің колледждің 2-3 курс студенттерімен танысуы – «Достық Шаңырағы» және басқа да іс-шаралар бар.

Ортақ және жеке мәселелерді жылдам әрі тиімді шешу мақсатында ата-аналар мен мектеп-интернат педагогикалық ұжымының күш-жігерін біріктіріп, тәрбиелік жұмысты күшейту, білім беру процесінің ашықтығын қамтамасыз ету үшін ортақ ата-аналар чаты құрылған.

"Жеті ата-баба және шежіре", "Менің отбасымның құндылықтары", "Отбасы – өмірдің сиқырлы нышаны", "Отбасы – менен басталады, "Менің отбасым - менің тірегім", "Менің отбасымның салт-дәстүрлері" секілді және т.б. іс-шаралар дәстүрге айналды.

Оқу жылы бойы оқушылар: бізбен бірге тоқу және кестелеу, моншақпен өрнек тоқу, тігіншілік, гүлдерден авторлық композициялар жасау, майлықтар мен желдеткіштерден ашықхаттар жасау, әртүрлі аспаздық тағамдарды дайындау өнерін меңгеріп, және ас үй техникасын пайдалану дағдыларын үйреніп үйірмелердің жұмысына үлкен ынтамен қатысады.

Интернат қабырғасында балалардың туған күндерін тойлау, ойындар мен шай ішу дәстүрі жалғасуда. Бейресми орта мен үйдегі атмосфера балалар арасында тығыз достық қарым-қатынас орнатуға ықпал етеді және нағыз отбасылық атмосфераны қалыптастырады.

Демалыс күндері мектеп-интернат тәрбиеленушілерінің бос уақыттары қызықты, әрі мазмұнды өтеді. Олар үшін: мемлекеттік және қалалық мұражайларға, көркем көрмелерге экскурсиялар, «Астана Опера» және «Астана Балет» театрларындағы концерттер мен қойылымдарға бару, кинотеатрларда және жатақхана залдарында қызықты фильмдерді тамашалау сеанстары ұйымдастырылады. Жексенбі күндері студенттер спорт залында және жасанды жабынмен жабдықталған спорт алаңында баскетбол, волейбол және футбол секілді командалық ойындар ойнайды. Тұрақты түрде үстел теннисінен жарыстар өткізіледі. Демалыс күндері колледж студенттері үшін бассейн ашық болады.