Қазақ ұлттық хореография академиясында салауатты өмір салты мен саналы өмір сүру тақырыбына арналған кезекті Science Café өтті. Шараның спикері – Диана Агзамова, хореография факультетінің аға оқытушысы, сертификатталған йога маманы.

«Қазіргі әлемдегі йога: тренд пе, әлде қажеттілік пе?» атты баяндамасында Диана Агзамова йоганың физикалық және психикалық денсаулыққа әсері туралы айтып, бұл тәжірибенің тек сәнге айналған құбылыс деген мифтерді жоққа шығарды. Өз тәжірибесіне сүйене отырып, спикер йоганың күнделікті өмір мен кәсіби қызметтегі маңыздылығын атап өтті.

Шара ашық диалог форматында өтті, қатысушылар сұрақ қойып, салауатты өмір салты туралы өз ойларымен бөлісті. Кездесудің соңында практикалық бөлім ұйымдастырылып, Диана Агзамова психо-эмоционалдық және физикалық жағдайды жақсартуға көмектесетін қарапайым, бірақ тиімді жаттығуларды көрсетті.

Science Café қатысушыларға қызықты кездесулер, өзекті тақырыптар және білім алмасу мүмкіндігін ұсынуды жалғастырады.