2026 жылдың басынан бастап Қазақ ұлттық хореография академиясы академиялық ұтқырлық бағдарламасы аясында Қытай мен Өзбекстаннан студенттерді қабылдай бастады.

Бейжің би академиясынан Академияға магистрант Тэнгэ Ян келді, ол Академияда «Хореография» білім беру бағдарламасы бойынша оқиды, сондай-ақ Сабина Айнивар – бакалавриат бағдарламасы «Хореография өнерінің педагогикасы» бойынша білім алу үшін келген студент. Олар оқу процесіне бейімделіп, Академияның инфрақұрылымымен танысты.

Өзбекстан мемлекеттік хореография академиясының студенттері Райхона Тошкенбоева мен Злата Ревенко Академиямызда «Хореографиялық өнер педагогикасы» білім беру бағдарламасы бойынша білім алуда. Олар тек оқу процесіне ғана емес, сонымен қатар Академияның мәдени өміріне де белсенді қатысуда.

Академиялық ұтқырлық аясында шығыс ұтқырлығы де жүзеге асырылуда. Өте қатаң конкурс нәтижесі бойынша өнер факультетінің «Арт-менеджмент» бағдарламасының студенттері Диана Хусаинова мен Инкар Маканова Латвияға, Латвия мәдениет академиясына білім алуға жіберілді. Олардың Ригадағы оқуы 2026 жылдың маусымына дейін жалғасады.

Шетелде оқуға және шетелдік студенттерді қабылдауға мүмкіндік беретін академиялық ұтқырлық бағдарламасы Академияға халықаралық тәжірибе алмасуға және шетелдік жоғары оқу орындарымен байланыстарды нығайтуға мүмкіндік береді. Студенттер үшін бұл сахналық тәжірибе жинауға және шығармашылық көкжиегін кеңейтуге бірегей мүмкіндік болып табылады.