Бүгін Қазақ ұлттық хореография академиясында профессор-оқытушылар құрамы мен студенттердің Астана қаласы мәслихатының №12 сайлау округі бойынша депутаттыққа кандидат Нұрбол Тұрсынбаевпен кездесуі өтті. Сондай-ақ іс-шараға «AMANAT» партиясы Астана қаласы Есіл аудандық филиалының төрағасы Санира Жүсіпова қатысты.

Кездесу барысында Нұрбол Тұрсынбаев өзінің «Дені сау қоғам – жарқын болашақтың негізі!» атты сайлауалды бағдарламасын таныстырды. Медицина саласында 25 жылдан астам еңбек өтілі бар кандидат өзінің басты басымдықтары – азаматтардың денсаулығы мен амандығы, сапалы медициналық көмектің қолжетімділігі және қала инфрақұрылымын кешенді дамыту екенін атап өтті.

Кандидаттың сайлауалды бағдарламасының негізгі бағыттары:

• Денсаулық пен экология: медициналық көмек сапасын арттыру, елорданы көгалдандыру және қалдықтарды уақытылы шығару.
• Инфрақұрылым мен қауіпсіздік: коммуналдық желілерді жаңғырту, аулаларды абаттандыру және мектептердің төңірегін жарықтандыру.
• Ашық диалог: өтініштерді тұрақты қабылдау және тұрғындар алдындағы жыл сайынғы есеп.

Кездесуге қатысушылар тікелей диалог форматында кандидатпен Астана қаласын дамытудың өзекті мәселелерін талқылап, өздерін қызықтырған сұрақтарды қоя алды.