23 желтоқсанда ЮНЕСКО-ның Бүкіләлемдік клубтар мен қауымдастықтар федерациясының мүшелері ұйым президенті Болат Ақшолақовтың басшылығымен Қазақ ұлттық хореография академиясы болып табылатын өңірлік өкілдікке барды.

Биыл Қазақстан Федерациясы мемлекеттің болашақ шығармашылық және ғылыми әлеуетін қалыптастыру үшін білім берудегі заманауи тәсілдерді пайдалана отырып, Қазақстан Республикасындағы ЮНЕСКО Клубтарының мүшелерін дамыту мен қолдауға бағытталған ауқымды жоба – білім беру вебинарларының сериясын іске асырды.

Қазақстан федерациясының мүшелері вебинарларда құқықтық сауаттылық, экологиялық мәдениет, ұлттық мәдениет пен дәстүрлерді сақтау, коммуникациялардың кәсіби дағдылары, сондай-ақ білім беру процесінде IT-технологияларды пайдалану және халықаралық ынтымақтастық сияқты маңызды тақырыптарды қамтыды. Ұйымдастырушылардың айтуынша, мұндай іс-шаралар қазіргі жастардың әлеуетін қалыптастыруға және дамытуға ықпал етеді.

Бүгінгі кездесу-ауқымды жобаның логикалық нүктесі. Болат Ақшолақов өз сөзінде: "ЮНЕСКО Клубтарының жобалары қазақстандық жастардың шығармашылық және ғылыми әлеуетін дамыту үшін қуатты құрал бола алады. Осыған байланысты, біз барлық жинақталған тәжірибені енгізуді және ЮНЕСКО Клубтық қозғалысының болашақ көшбасшыларын даярлау үшін берік негіз қалауды ұсынамыз".

ЮНЕСКО клубының өңірлік өкілі Қазақ ұлттық хореография академиясы Қазақстан федерациясын дамыту және танымал ету үшін Астана қаласы мен өңірдің білім беру, шығармашылық және спорт мекемелері үшін тұрақты негізде ақпараттық жұмыстар мен іс-шаралар өткізеді. Осы жұмыстың арқасында қараша айында Федерация құрамы тағы екі қатысушымен толықтырылды. Барлығы 21 клуб.

Бүгінде ЮНЕСКО-ның Қазақстан Ұлттық клубтар федерациясы 190 клуб пен 17,000 белсенді мүшені біріктіреді, сондай-ақ 45-тен астам елдің қатысуымен 550-ге жуық іс-шараны сәтті ұйымдастырды.