Академияда тәрбие ісін тек хореография, өнертану немесе басқа да пәндер оқытушылары ғана емес, сондай-ақ басқа да мамандар жүргізеді. Лайықты азаматтарды тәрбиелеу барлық жерде – Академияның әрбір бұрышында жүзеге асырылады.

Бұл процесте кітапхана ерекше орын алады, себебі кітап – білімнің қайнар көзі.

Кітапхана жұмысының негізгі бағыттарының бірі – мәдени-бұқаралық қызмет. Мұнда тұрақты түрде READx жобасы жүзеге асырылады, оған кітапхана оқырмандары – Академияның білім алушылары мен оқытушылары қатысады. «Оқырман ұлт – оқырман Академия» республикалық акциясы аясында кітап оқуды насихаттауға бағытталған іс-шаралар өткізіледі, сондай-ақ кітапханада «Ы. Алтынсарин» төсбелгісінің иелерінің қатысуымен кітап оқулары ұйымдастырылады.

Кітапханада «Библиотүн», «Библиоымырт», Халықаралық кітап сыйлау күні, Нүкте күні, түрлі челлендждер және басқа да ауқымды іс-шаралар өткізіледі. Сонымен қатар кітапханада «Bookcrossing» акциясы ұйымдастырылған. Акция «Кітапты оқыдың – басқаларға бер» ұранымен өтеді.

Ең танымал жобалар қатарына мыналар жатады:

• білім алушыларға арналған «Book Time» кітап клубы;
• жыл сайын 15 қыркүйекте Академия кітапханасында өтетін «Халықаралық нүкте күні» мерекесі;
• «Отбасымен бірге оқимыз» – отбасылық оқу жобасы;
• білім алушыларға арналған «Кітапты тап» интеллектуалдық ойыны;
• Story time – ертегілерді интерактивті оқу;
• білім алушылар арасында «3D кітап өз қолыңмен» атты 3D кітаптар жасау іс-шарасы;
• 14 ақпанда, Халықаралық кітап сыйлау күніне орай өткізілетін кітап сыйлау акциясы.