Сайт бойынша іздеу
Докторант Алмат Шәмшиевтің ғылыми семинары өтті

2025 жылдың 28 наурызында Қазақ ұлттық хореография академиясында 8D02108 – «Хореография» білім беру бағдарламасы бойынша білім алып жатқан екінші курс докторанты Алмат Шәмшиевтің ғылыми семинары өтті.

Докторант «Қазақстанның қазіргі әлеуметтік-мәдени жағдайларындағы ұлттық ерлер биінің даму үрдістері» тақырыбындағы диссертациялық зерттеуінің аралық нәтижелерімен бөлісті. Сонымен қатар, ол 2025 жылдың 1–30 сәуір аралығында Шота Руставели атындағы театр және кино мемлекеттік университетінде (Грузия, Тбилиси қ.) өтетін ғылыми тағылымдама туралы, оның бағдарламасын баяндап берді. Бұл тағылымдама екі ЖОО арасындағы ғылыми ынтымақтастық туралы келісім аясында жүзеге асырылады.

Семинарға профессор-оқытушылар құрамы, ғылыми жетекшілер мен Академияның докторанттары қатысты. Іс-шара ғылыми қызығушылық тудырып, белсенді пікірталасқа ұласты: қатысушылар сұрақтар қойып, өз пікірлерімен бөлісті және зерттеу тақырыбының ұлттық хореография дәстүрін сақтау мен дамыту тұрғысынан өзектілігін атап өтті.

Алмат Шердарұлын алда болатын тағылымдамасымен құттықтап, сәттілік пен ғылыми табыс тілейміз!