Қазақстандық ұлттық хореография академиясы өнер саласындағы елдің жетекші білім беру мекемесі ретіндегі мәртебесін тағы да растады.

Қазақстан Республикасы Ұлттық кәсіпкерлер палатасы «Атамекен» жүргізген рейтингке сәйкес, Академия түлектерді жұмыспен қамту деңгейі бойынша (100%) елдің ұлттық жоғары оқу орындары арасында, сондай-ақ В028 – «Хореография» білім беру бағдарламалары тобы бойынша бірінші орынға ие болды.

Бағалау келесі негізгі критерийлер негізінде жүргізілді:

• түлектердің мансаптық перспективалары,
• білім беру бағдарламасының сапа көрсеткіштері,
• білім беру бағдарламасының жетістіктері,
• білім беру бағдарламасының мазмұны,
• жоғары оқу орнының жалпы көрсеткіштері.

Академия оқу процесіне инновацияларды енгізе отырып, жоғары оқыту деңгейін сақтап, Қазақстан мәдениеті мен өнерінің дамуына елеулі үлес қосатын білікті мамандарды даярлауды жалғастыруда.

Академияның студенттерін, оқытушыларын және қызметкерлерін осы маңызды жетістікпен құттықтаймыз және жаңа белестер мен кәсіби табыстар тілейміз!