2024 жылғы 7-9 қараша аралығында Қазақ ұлттық хореография академиясы «Temps lié» кәсіби хореографиялық оқу орындарының III халықаралық фестивалін өткізеді. Бұл фестиваль қазірдің өзінде әлемдегі ең жақсы хореографиялық мектептерді бір сахнада біріктіретін дәстүрлі іс-шараға айналды.

Фестивальге қатысушылар: түлектері әлемнің жетекші сахналарында өнер көрсететін екі беделді оқу орны – Борис Эйфманның би академиясы және Бейжің би академиясы Бұл әлемге әйгілі академиялардың студенттерінің шеберліктерін көруге және олардың классикалық және заманауи балет өнерін түсіндіруден ләззат алудың ерекше мүмкіндігі.

7 қараша күні сағат 19:00-де фестиваль Қазақ ұлттық хореография академиясының студенттерінің орындауындағы «Раушан гүлі мен көбелектің романы» (Василий Медведевтің хореографиясы мен қойылымы) балетімен ашылады. Бұл балет – Академияның визиттік карточкасы. Балет Академия студенттері үшін қайта жасалған өнер туындысы.

8 қарашада әлемдік балет жұлдыздары фестиваль қатысушылары үшін шеберлік сабақтарын өткізеді: Диана Вишнева және Владимир Малахов.

Сондай-ақ, сағат 15:00-де «Қазіргі білім беру жүйесіндегі хореографиялық мектепті дамыту перспективалары» атты дөңгелек үстел өтеді, оған Академияның отандық және халықаралық әріптес ЖОО-лары қатысады.

9 қарашада сағат 17:00-де көрермендерді Борис Эйфман би академиясының және Бейжің би академиясының студенттері өнер көрсететін Гала-кеш күтіп тұр.

Ұлы би өнерін тамашалап, осы ерекше оқиғаның бір бөлігі болу мүмкіндігін жіберіп алмаңыз!