2025 жылғы 17 сәуірде Ғылым-2025 апталығы аясында Қазақстан, Ресей, Германия, Түркия және Латвия елдерінің академиялық және мәдени қоғамдастықтардың өкілдерін біріктірген «Өнердегі білім» тақырыбында халықаралық телекөпір өтті.

Қатысушылар өнер саласындағы оқытудың заманауи тәсілдерін, шығармашылық білім беруді дамытудағы өзекті үрдістерді, сондай-ақ академиялық ұтқырлық пен халықаралық ынтымақтастық мәселелерін талқылады. Телекөпір форматы әртүрлі елдердің мамандары арасында тікелей диалог орнатуға, тәжірибе алмасуға және одан әрі өзара іс-қимылдың перспективаларын анықтауға мүмкіндік берді.

Іс-шара өзара құрмет пен жаһандық мәдени кеңістікті дамытуға ұмтылу рухында өтті, өнердегі білімнің мәдениетаралық коммуникация және тұрақты даму құралы ретіндегі маңыздылығын атап өтті.

Телекөпір спикерлері:

1. Динара Кдырмаева – Мармара университетінің «Радио теледидар» мамандығы бойынша докторанты, Ыстанбұл, Түркия.
2. Әли Жанатұлы Жүніс - Тюбинген университетінің «Машиналық оқыту» мамандығы бойынша магистранты, Германия,
3. Ляззат Аманғазы және Сабина Рамазанова - Латвия мәдениет академиясының «Арт-менеджмент» ББ 2 курс студенттері.
4. Рустем Амирбеков және Аяулым Бекетбаева - қазір ГИТИС-те алмасу бойынша білім алып жатқан Ресейдің ГИТИС театр өнері институтының хореография кафедрасының 2 курс студенттері.