Қазақ ұлттық хореография академиясының докторанты Дана Қуанышбекова Ресей театр өнері институты – ГИТИС Ресей Ғылым академиясының Тіл білімі институтымен бірлесіп және Мәскеу мемлекеттік лингвистикалық университетінің (СКоДис орталығы) қолдауымен «Приоритет 2030» стратегиялық академиялық көшбасшылық бағдарламасы аясында ұйымдастырылған «Тіл және би. Халықтар, қимылдар, фольклор» атты II халықаралық ғылыми-тәжірибелік конференцияға қатысты.

Конференция аясында: «Паванадан нейрожелілерге дейін: “Тарихи-тұрмыстық би” пәнін оқытуда жасанды интеллектті қолдану тәжірибесі» тақырыбында ғылыми баяндама ұсынылды.

Баяндамада цифрлық технологиялар мен жасанды интеллект құралдарын кәсіби хореографиялық білім беру жүйесіне енгізу мәселелері, оларды тарихи-тұрмыстық биді оқытуда қолдану ерекшеліктері, сондай-ақ білім беру процесінің қазіргі цифрлық трансформациясы жағдайында дәстүрлі оқыту әдістемелерін сақтау мәселелері қарастырылды.

Конференцияның екінші күні докторант Игорь Моисеев мұрасы негізінде өткізілген Игорь Охлопковтың шеберлік сабағына, сондай-ақ конференция қатысушыларының концерттік бағдарламасы мен шеберлік сыныптарына қатысты.

Халықаралық ғылыми конференцияға қатысу ғылыми-зерттеу қызметін дамытуға, халықаралық академиялық ынтымақтастықты нығайтуға және хореографиялық өнер саласындағы кәсіби тәжірибе алмасуға ықпал еткен тағылымдаманың маңызды бөлігі болды.