«Жоғары оқу орнының үздік оқытушысы» атағын беру қағидалары (бұдан әрі – Қағида) Қазақстан Республикасы Білім және ғылым министрінің м.а. 2015 жылғы 16 наурыздағы № 124 бұйрығымен бекітілген.

Конкурсқа қатысу үшін жоғары және (немесе) жоғары оқу орнынан кейінгі білім беру ұйымдарының штаттық оқытушылары қатарынан үміткерлердің құжаттары universitycontest2026.kz сілтемесі бойынша жүйеде (бұдан әрі – жүйе қабылданады.

Конкурстың I кезеңі 2026 жылғы 5 қарашадан бастап 2026 жылғы 18 қараша сағат 18:00-ге дейін жалғасады.

Конкурстың I кезеңіне қатысу үшін ЖОО-ның штаттық оқытушылары қатарынан үміткерлер жүйе арқылы келесі құжаттарды тапсырады:

• осы Қағидалардың 1-қосымшасына сәйкес «ЖОО-ның үздік оқытушысы» атағын беру конкурсына қатысу бойынша үлгідегі өтінім;
• осы Қағидалардың 2-қосымшасына сәйкес сапалық және сандық көрсеткіштерге сәйкес мәліметтер (нақты мерзімі көрсетілген тармақтарды қоспағанда, соңғы 5 жылдағы мәліметтер(2026, 2025, 2024, 2023, 2022 жж));
• осы Қағидалардың 3-қосымшасына сәйкес жылдық жұмыс жоспар-кестесі (2026-2027 оқу жылы);
• кадрларды есепке алу жеке іс парағы;
• жеке басын куәландыратын құжаттың көшірмесі;

Конкурстың I кезеңі бойынша апелляция беру мерзімі 2026 жылғы 19-20 қараша аралығында өткізіледі.

Байқаудың II кезеңі 2026 жылғы 1 желтоқсаннан бастап 2026 жылғы 12 желтоқсанға дейін жалғасады.

Сонымен қатар, жүйені қолдану бойынша нұсқаулық universitycontest2026.kz сілтемесі бойынша орналасады.

Қосымша сұрақтар туындаған жағдайда g.zailashova@sci.gov.kz электрондық поштасына жолдауды немесе (87172) 74-22-84 нөміріне хабарласуды сұраймыз.