Құрметті бакалавриат студенттері! 2025-2026 оқу жылының көктемгі семестріне екіжақты келісімдер аясында академиялық ұтқырлық бағдарламасына қатысу үшін өтінімдерді қабылдау басталғанын хабарлаймыз. Республикалық бюджет қаражаты есебінен байқауға (тек мемлекеттік білім беру тапсырысы бойынша оқитын ҚР азаматтары үшін) келесі талаптарға сай студенттер қатыса алады:

• бакалавриатта кемінде 60 ECTS кредитін игерген (әдетте 2–3 курс студенттері);
• үлгерім GPA (Grade Point Average) (Грейд Пойнт Авередж) 2.8-ден жоғары болуы тиіс;
• қабылдаушы жоғары және жоғары оқу орнынан кейінгі білім беру ұйымы (ЖОО) талап ететін шетел тілін білу деңгейі;
• құжаттарды тапсырған кезде тәртіптік жаза болмауы керек.

Өз қаражаты есебінен академиялық ұтқырлыққа қатысатын студенттер келесі талаптарға сай болуы қажет:

• GPA (Grade Point Average (Грейд Пойнт Авередж) 2.8-ден жоғары болуы тиіс;
• қабылдаушы ЖОО талап ететін шетел тілін білу деңгейі;
• құжаттарды тапсырған кезде тәртіптік жаза болмауы тиіс;
• Академия алдындағы оқу ақысы бойынша берешектің болмауы.

Өтінімдерді тапсырудың соңғы мерзімі: 2025 жылғы 20 қараша, сағат 15:00 (Астана уақыты бойынша).

БІТІРУШІ КУРС СТУДЕНТТЕРІ ҚАБЫЛДАНБАЙДЫ.

Байқау екі кезеңнен тұрады:

I кезең – Құжаттарды қабылдау

Қатысу үшін студенттер Академияның кеңсесіне келесі құжаттарды тапсыруы қажет:

• студенттің өтініші;
• транскрипт 3 тілде (қазақ, орыс және ағылшын тілдерінде);
• мотивациялық хат (қазақ немесе орыс тілінде);
• 2 ұсыным хаты: факультеттен (жетекшінің/куратордың қолы қойылған, факультет деканының қолы міндетті), тәрбие және әлеуметтік жұмыс бөлімі;
• шетел тілін меңгеру деңгейін растайтын құжат (бар болса: IELTS – В2/5.5 деңгейінен төмен емес, TOEFL – 46, Duolingo сертификаты).

Оқыту тілі орыс тілі болып табылатын ЖОО үшін ағылшын тілін білу сертификаты талап етілмейді. Қабылдаушы тараптың басқа талаптары болған жағдайда, сол талаптар ескеріледі;

• әлеуметтік мәртебесі бар болған жағдайда (жетім, көпбалалы отбасы) отбасы құрамы туралы анықтама;
• таңдалған оқу бағыты бойынша республикалық немесе халықаралық деңгейдегі іс-шараларға қатысқаны үшін алынған мақтау қағаздары, сертификаттар, дипломдардың көшірмелері (бар болса).

II кезең – Үміткерлермен әңгімелесу.

Сұхбаттың уақыты мен күні қосымша хабарланады.

Конкурс бойынша консультацияларды Халықаралық ынтымақтастық және қоғаммен байланыс бөлімі (473, 474 каб.) жүргізеді.

Іріктеу кезеңінің нәтижелері туралы ақпарат Академияның сайтында орналастырылады. Студентті академиялық ұтқырлық бойынша оқыту туралы түпкілікті шешімді қабылдаушы ЖОО қабылдайды.

Халықаралық ынтымақтастық және қоғаммен байланыс бөлімі

Оқу корпусы, 473, 474 каб. Телефон: +7 7172 790 855

Малика Абдумаликовна Найзабекова