Өткен аптада, 2026 жылғы 2–7 ақпан аралығында, Қазақ ұлттық хореография академиясында шақырылған балетмейстер-қоюшы Олег Игнатьев жұмыс атқарды.

Апта бойы ол Академияның оқу-шығармашылық процесіне белсенді түрде қатысып, кәсіптік білім беру мектеп-колледжінің білім алушыларына арналған қарқынды қойылымдық және репетициялық сабақтар өткізді. Жұмыс Академияның хореограф-педагогтарымен тығыз өзара іс-қимылда жүзеге асырылды, бұл шақырылған шебердің тәжірибесі мен кәсіби біліктілігін Академияның мықты педагогикалық құрамымен ұштастыруға мүмкіндік берді.

Жұмыс хореографиялық материалды қалыптастыруға, комбинацияларды пысықтауға, ансамбльдік үйлесімділікті жетілдіруге, сондай-ақ қойылымның сахналық құрылымын жасауға бағытталды. Сабақтар қарқынды жұмыс режимінде өтті және білім алушылардан жоғары тәртіп пен орындау дәлдігін талап етті, бұл қасиеттерді Олег Олеговичтің өзі де атап өтті.

Қысқа мерзім ішінде жүргізілген осындай нәтижелі әрі қарқынды жұмыстың қорытындысы ретінде Лео Делибтің музыкасына қойылған «Grand Pas académique» хореографиялық туындысы дүниеге келді. Бұл қойылым Академия репертуарының ажырамас бөлігіне айналады. Қойылымға әртүрлі жас топтары қатысып, нөмірдің негізгі идеясы болып табылатын ұрпақтар сабақтастығын бейнеледі.

Қойылыммен жұмыс жасау білім алушылардың кәсіби қалыптасуында маңызды рөл атқарады, өйткені ол алған білімдерін тәжірибе жүзінде қолдануға, репетициялық процестің талаптарын терең түсінуге және шақырылған мамандармен жұмыс істеу ерекшеліктерімен танысуға мүмкіндік береді. Сахналық нөмірді жасауға қатысу білім алушылардың жауапкершілігін, еңбек тәртібін және ұжыммен жұмыс істеу дағдыларын дамытуға ықпал етеді, сондай-ақ классикалық хореографияның құрылымы мен логикасын тереңірек түсінуге көмектеседі. Бұл болашақ балет әртістерін сапалы даярлаудың маңызды бөлігі болып табылады.