Астана, 2025 жылғы 9 қыркүйек — Бүгін Академияға Бразилия Федеративтік Республикасының Қазақстан Республикасындағы Төтенше және Өкілетті Елшісі Марсел Биато мен Бразилияның Үлкен балет мектебінің директоры Павел Казарян ресми танысу сапарымен келді.

Сапар барысында қонақтар Академияның білім беру және шығармашылық қызметімен танысып, оқу аудиторияларын, репетициялық залдарды аралады, сондай-ақ мұғалімдер мен студенттермен пікір алмасу жүргізді.

Кездесу барысында өнер, хореография және академиялық алмасу саласындағы екіжақты ынтымақтастықтың болашақ перспективалары талқыланды. Тараптар шеберлік сыныптарын ұйымдастыру, халықаралық фестивальдер мен мәдени шараларға қатысу сияқты бірлескен жобаларды жүзеге асыруға қызығушылық танытты.

Бразилия Елшісі студенттердің дайындығының жоғары деңгейін атап өтіп, екі елдің мәдени және білім беру ұйымдары арасындағы жемісті қарым-қатынастың дамуына сенім білдірді.

Академия өз кезегінде бразилиялық әріптестермен белсенді ынтымақтастыққа дайын екенін растады және шығармашылық әрі кәсіби байланысты нығайтуға үміт артты.