Құрметті студенттер! Қазақ ұлттық хореография академиясы 2026–2027 оқу жылының көктемгі семестрінде шетелдік серіктес университеттерде білім алу үшін халықаралық академиялық ұтқырлық бағдарламасы бойынша конкурстық іріктеуге қатысуға өтінімдерді қабылдау жалғасып жатқанын хабарлайды.

Конкурсқа Академияның Хореография факультеті мен Өнер факультетінің білім алушылары шақырылады.

Серіктес университеттер және орындар саны

1. Фредерик Шопен атындағы музыка университеті (Chopin University of Music)

   • Ел: Польша, Варшава қаласы
   • Факультет: Хореография факультеті
   • Орын саны: 2

2. Сабанджы университеті (Sabancı University), Erasmus+

   • Ел: Түркия, Ыстанбұл қаласы
   • Факультет: Өнер факультеті
   • Орын саны: 1

Конкурсқа қатысушыларға қойылатын талаптар

Конкурстық іріктеуге төмендегі талаптарға сәйкес келетін студенттер жіберіледі:

• Кемінде 60 ECTS кредитін меңгерген (әдетте бакалавриаттың 2–3-курстарында білім алатындар);
• Академиялық үлгерім көрсеткіші (GPA) 2,8-ден төмен емес;
• Қабылдаушы университет белгілеген деңгейде шет тілін меңгерген;
• Құжаттарды тапсыру кезінде тәртіптік жазасы жоқ.

Бітіруші курс студенттері конкурсқа қатыса алмайды.

Өтінімдерді қабылдау мерзімі

Өтінімдерді қабылдаудың соңғы мерзімі — 2026 жылғы 4 қараша, сағат 15:00-ге дейін (Астана уақыты бойынша).

Конкурстық іріктеу кезеңдері

Конкурс екі кезеңнен тұрады:

I кезең — құжаттарды қабылдау

Конкурсқа қатысу үшін үміткерлер Академияның кеңсесіне келесі құжаттарды тапсыруы қажет:

1. Білім алушының еркін нысанда жазылған өтініші.
2. Академиялық үлгерімі туралы үш тілдегі (қазақ, орыс және ағылшын тілдеріндегі) транскрипт.
3. Қазақ немесе орыс тілінде жазылған мотивациялық хат.
4. Түйіндеме (CV).
5. Екі ұсыным хат:
   • факультеттен — қазақ немесе орыс тілінде, басшының/куратордың қолымен расталған ұсыным хат (факультет деканының қолы міндетті);
   • Тәрбие жұмысы және әлеуметтік мәселелер бөлімінен берілген ұсыным хат.
6. Шет тілін меңгеру деңгейін растайтын құжат (бар болған жағдайда): IELTS, TOEFL, Duolingo халықаралық сертификаты немесе шет тілін меңгеру деңгейін растайтын өзге де құжат.
7. Отбасы құрамы туралы анықтама (тиісті әлеуметтік мәртебесі болған жағдайда: жетім балалар, көпбалалы отбасылардан шыққан білім алушылар).
8. Таңдалған оқу бағыты бойынша республикалық немесе халықаралық деңгейдегі іс-шараларға қатысқаны үшін алынған мақтау қағаздарының, сертификаттар мен дипломдардың көшірмелері (бар болған жағдайда).

II кезең — Үміткерлермен сұхбаттасу

Сұхбаттасу 2026 жылғы 6 қарашада өтеді. Өткізілу уақыты қосымша хабарланады.

Конкурс қорытындыларын шығару

Конкурстық іріктеу нәтижелері туралы ақпарат Академияның ресми сайтында жарияланады.

Студентті академиялық ұтқырлық бағдарламасы бойынша оқуға қабылдау туралы түпкілікті шешімді қабылдаушы университет қабылдайды.

Құжаттарды тапсыру тәртібі және байланыс ақпараты

Құжаттар белгіленген мерзімге дейін Қазақ ұлттық хореография академиясының кеңсесіне тапсырылуы тиіс.

Құжаттарды Академияның кеңсесіне тапсырмас бұрын үміткерлерден құжаттардың толықтығы мен дұрыс ресімделуін алдын ала тексерту үшін Халықаралық ынтымақтастық және қоғаммен байланыс бөліміне (№ 474 кабинет) жүгінулерін сұраймыз. Мекенжайы: Академияның оқу корпусы, № 473, 474 кабинеттер.

Телефон: +7 (7172) 790 855

Электрондық пошта: ir.balletacademykz@gmail.com

Барлық қызығушылық танытқан білім алушыларды конкурстық іріктеуге қатысуға және халықаралық білім беру тәжірибесін жинақтау мүмкіндігін пайдалануға шақырамыз!