Сайт бойынша іздеу
Академия студенттері академиялық ұтқырлық бағдарламасы аясында шетелге оқуға аттанады

2026 жылғы 6 қарашада Қазақ ұлттық хореография академиясында 2026–2027 оқу жылының көктемгі семестрінде академиялық ұтқырлық бағдарламасы аясында шетелде білім алуға үміткер студенттерді іріктеу жөніндегі конкурстық комиссияның отырысы өтті.

Конкурстық іріктеу нәтижелері бойынша академиялық ұтқырлық бағдарламасына қатысу үшін келесі студенттердің кандидатуралары бекітілді:

Erasmus+ бағдарламасы аясында Сабанджы университетіне (Ыстанбұл, Түркия) оқуға жіберілетін студент:

  • Диана Хусаинова – «Арт-менеджмент» білім беру бағдарламасының 3-курс студенті.

Фредерик Шопен атындағы музыка университетіне (Варшава, Польша) оқуға жіберілетін студенттер:

  • Түлеп Гүлнұр – «Хореография өнерінің педагогикасы» білім беру бағдарламасының 2-курс студенті;
  • Асқарова Анель – «Хореография өнерінің педагогикасы» білім беру бағдарламасының 3-курс студенті.

Студенттерімізді конкурстық іріктеуден сәтті өтуімен шын жүректен құттықтаймыз және халықаралық білім беру кеңістігінде толағай табыстар мен жаңа жетістіктер тілейміз!