2025 жылғы 26 желтоқсанда Қазақ ұлттық хореография академиясының Оқу театрында ең кішкентай білім алушылар – 1-4 сынып оқушыларына арналған жарқын әрі есте қаларлық жаңа жылдық таңғы ертеңгілік өтті.

Артистер рөлінде ата-аналар комитетінің өкілдері өнер көрсетті. Олар үлкен ынта-жігермен және қиялмен театрландырылған қойылым дайындады. Танымал мультфильмдер мен ертегілер кейіпкерлерінің әсем костюмдерін киіп, балаларға нағыз ертегі әлемін сыйлады.

Сахнада кезек-кезек Шрек, Уэнсдэй, Сұлу мен Құбыжық, Қаңқалар, Фиона, Аққала Олаф, сондай-ақ жаңа жылдың басты кейіпкерлері – Аяз ата мен Ақшақар пайда болды. Кейіпкерлер әзілдесіп, балалармен ойнап, шеңбер құрып билеп, залды күлкі мен қуанышқа толтырды.

Мереке жылы әрі достық атмосферада өтіп, балаларға ұмытылмас әсер, шаттыққа толы күлкі мен нағыз жаңа жылдық ғажайып сезімін сыйлады.