2026 жылғы 6 мамырда Қазақ ұлттық хореография академиясында Италия мен Гонконгтан келген шетелдік қонақтарға арналған таныстыру экскурсиясы өтті. Академияға RGE компаниясының директоры, мәдениет менеджері және сарапшы Роберто Джованарди, сондай-ақ Hong Kong Arts Festival бағдарламалық директоры Грейс Ланг келді.

Экскурсия барысында қонақтар Академияның инфрақұрылымымен танысып, репетициялық залдар мен басқа да маңызды нысандарды аралады. Оларға оқу орнының білім беру қызметі, оқу жағдайлары, сондай-ақ білім алушылар мен оқытушылар белсенді қатысатын шығармашылық процесс туралы ақпарат ұсынылды.

Қонақтардың ерекше қызығушылығын академиялық білім мен кәсіби хореографиялық дайындықты ұштастыратын жас таланттарды даярлау жүйесі тудырды.

Сапардың мақсаты – Академияның қызметімен, оның мүмкіндіктері мен жетістіктерімен танысу, сондай-ақ болашақ халықаралық ынтымақтастық перспективаларын зерделеу.

Мұндай кездесулер халықаралық байланыстарды нығайтуға, тәжірибе алмасуға және Қазақ ұлттық хореография академиясының әлемдік мәдени аренадағы беделін арттыруға ықпал етеді.