Зертханалар

Қазақ ұлттық биінің ғылыми-әдістемелік зертханасы ұлттық би өнерінің әдістемесін зерделеу және талдау саласында ғылымға қызығушылық танытқан оқытушыларға, жас ғалымдар мен студенттерге жәрдемдесу мақсатында құрылған.

Зертхананың жұмысы хореографиялық өнер саласындағы ғылыми жобаларды әзірлеуге қызмет етеді. Сонымен қатар, Қазақ ұлттық биінің ғылыми-әдістемелік зертханасының жұмысы Қазақстанның хореографиялық өнері саласындағы ғылыми жобалар мен ғылыми еңбектерді ілгерілетуге, мәдениет және өнер қайраткерлерімен тақырыптық шолулар мен әңгімелер жүргізу арқылы материалдар жинауға бағытталған.

Қазақ ұлттық биінің ғылыми-әдістемелік зертханасында профессор-оқытушылар құрамының, студенттердің, магистранттар мен докторанттардың білімдерін жетілдіру мақсатында шеберлік сыныптары мен семинарлар өткізу үшін хореографиялық өнердің еңбек сіңірген қайраткерлерін шақыру бойынша жұмыс жүргізіледі.

Зертхананың ғылыми-шығармашылық нәтижелері ғылыми және шығармашылық жобаларға, түрлі деңгейдегі конкурстарға қатысу болып табылады.

Қазақ ұлттық биінің ғылыми-әдістемелік зертханасының негізгі міндеттері:

мәдениет және өнер және ғылым саласындағы білім беруді интеграциялау үшін жағдайларды қамтамасыз ету, оның ішінде жаңа білім құру, жаңа технологияларды игеру, ғылыми мектептердің қалыптасуы мен дамуы негізі ретінде іргелі зерттеулердің басым дамуына жәрдемдесу;

Қазақ биі бойынша әдістемелік және ғылыми қызметтің тұтас жүйесін қалыптастыру;

Қазақстан Республикасының Шығармашылық жоғары оқу орындарының ғылыми-зерттеу жұмыстарының жоспарларына сәйкес іргелі және қолданбалы ғылыми зерттеулер жүргізу үшін ғылыми-әдістемелік деректер базасын құру;

ғылыми-теориялық және практикалық зерттеулерді жүргізу және енгізу, инновациялық технологияларды сынақтан өткізу үшін эксперименттік алаңдар құру;

студенттердің, магистранттар мен оқытушылардың ғылыми-зерттеу қызметінің дағдыларын қалыптастыруға жәрдемдесу;

Қызмет түріне жақын мекемелермен және ұйымдармен ғылыми байланыстарды кеңейту және нығайту;

Академия қызметкерлері мен білім алушылары үшін корпоративтік мәдениетті және қолайлы психологиялық ортаны дамытуға жәрдемдесу;

ұлттық хореография бойынша әдістемелік және ғылыми жұмыс бойынша оқытушылардың жұмысын қамтамасыз ету үшін қажетті жағдайлар жасау.