Бастауыш білім

ҚР МАМ «Қазақ ұлттық хореография академиясы» ШЖҚ РМК «Білім берудің барлық деңгейінің мемлекеттік жалпыға міндетті білім беру стандарттарын бекіту туралы» 2018 жылғы 31 қазандағы № 604 бұйрыққа сәйкес бастауыш білім берудің негізгі білім беру бағдарламасын іске асырады. Академияда білім беру дарынды балаларға арналған мамандандырылған мектепте (хореографиялық өнердің кәсіпалды бағдарламасы) балет гимнастикасы, музыкалық би, ритмика, көркем гимнастика сабақтарында 6-7 жастан басталады. Осының барлығы балет әртісі және би ансамблінің әртісі мамандығын саналы түрде таңдауына жас дарындардың санасын да, тәнін де дайындап, қалыптастырады.

Бастауыш білім беру бағдарламасы бастауыш мектеп жасындағы балалардың жеке басының толық және жан-жақты дамуын, балаларда оқуға тұрақты құштарлығын қалыптастыруды, оқу дағдылары мен шығармашылық әуелетін дамытуды көздейді.

Егер Сіздің балаңыз балет әртісі мамандығын таңдаған болса, бұл бөлім тек Сіздер үшін!

Сіздердің назарларыңызды келесіге аударамыз: 

• мамандықты меңгеру Академия басшылығы мен оқытушыларына ғана емес, сондай-ақ білім алушылар мен олардың ата-аналарына (заңды өкілдеріне) үлкен жауапкершілікті жүктейді;
• білім алушылармен өткізілетін сабақтардың көлемдері мен жүктемелер оқытудың кәсіптік мақсаттары мен міндеттеріне сәйкес келеді;
• Академия оқушылары бейіндік пәндерден ғана емес, сондай-ақ жалпы білім беретін пәндер бойынша толыққанды білім алады;
• 02150700 «Хореография өнері» мамандығы, 4S02150701 – Балет әртісі, 4S02150702 – Би ансамблі әртісі біліктіліктері бойынша оқуды аяқтаған соң Академия оқушылары техникалық және кәсіптік білім туралы диплом алады;
• 02150700 «Хореография өнері» мамандығы, 4S02150701 – Балет әртісі біліктілігі бойынша оқушылар 9 сыныпты аяқтағаннан кейін негізгі орта білім туралы аттестат алады;
• оқуды аяқтағаннан кейін Академия түлектері сәйкес келетін немесе басқа бағыттағы жоғары оқу орындарында оқуды жалғастыра алады.

Тұрғын үй блогына орналасу мәселелері бойынша 8 /7172/ 798 572 телефонына хабарласуға болады

Әлеуметтік көмек ұсыну мәселелері бойынша 8 /7172/ 798 578 телефонына хабарласуға болады

Шетелдік азаматтарды тіркеу мәселелері бойынша 8 /7172/ 790 855 телефонына хабарласуға болады

Сабақ кестесін, сонымен қатар балалардың жалпы білім беретін пәндер бойынша үлгерімін https://kundelik.kz/ сайтынан тексере аласыз.

Балалардың бейіндік пәндер бойынша үлгерімін http://95.141.137.22 сайттан тексере аласыз

Ұсынылған ақпарат Сіздің балаңыздың жетістікке жетуіне көмектесетініне сенеміз.