2025 жылғы 3-4 сәуірде Қазақ ұлттық хореография академиясында Жеңістің 80 жылдығына орай «Арт-менеджмент» бағдарламасы бойынша XVII республикалық пәндік олимпиада өтеді. Іс-шара аясында 3 сәуірде белгілі қазақстандық медиа сарапшы және кәсіпкер Динара Сәтжанның «Жеке бренд. Динара Сәтжан әдісі»

Динара Сәтжан – тележүргізуші, продюсер, өз брендінің негізін қалаушы, спикер және жеке брендті дамыту бойынша шеберлік сабақтарының авторы. Медиа және коммуникация саласында бай тәжірибесі бар ол әлеуетті ашуға және күшті жеке имиджді қалыптастыруға көмектесетін практикалық құралдармен бөліседі.

Шеберлік сабағында Динара Сәтжан еліміздің төрт жетекші жоғары оқу орны: Қазақ ұлттық хореография академиясы, Темірбек Жүргенов атындағы Қазақ ұлттық өнер академиясы, Құрманғазы атындағы Қазақ ұлттық консерваториясы, Күләш Байсейітова атындағы Қазақ ұлттық өнер университетінің студенттерімен кәсіби тәжірибесімен бөліседі.

Іс-шара студенттерге арт-менеджмент саласындағы білімдерін тереңдетуге және қазақстандық медиа-кеңістіктің ең жарқын тұлғаларының бірінен шабыт алуға бірегей мүмкіндік береді.