2025 жылдың 13-14 қаңтарында Қазақ ұлттық хореография академиясында Академия оқытушылары мен қызметкерлерінің кәсіби дамуына бағытталған «Қысқы мектеп» өтті. Екі күндік бағдарлама аясында қатысушылар қарым-қатынас дағдыларын жетілдірді, тәжірибе алмасты және білім беру процесінің өзекті мәселелерін талқылады.

Бағдарламаның бірінші және екінші күндері ынтымақтастық дағдыларын дамытуға арналды. Өнер және хореография факультеттерінің оқытушылар құрамы мен әкімшілік-басқару персоналының қызметкерлері үшін педагог-психологтар С.В.Тен және А.Әлібек «Ынтымақтастық дағдылары: ортақ табысқа апарар жол» коммуникативтік тренингін өткізді. Қатысушылар командада тиімді жұмыс істеудің практикалық құралдарын зерттеді.

Сондай-ақ, «Қысқы мектеп» аясында 13 қаңтар күні Оқу процесін әдістемелік қамтамасыз ету және цифрландыру бөлімінің қызметкерлері «Оқу-әдістемелік әдебиеттерді әзірлеудегі жаңартулар» семинарын ұйымдастырды. Іс-шарада оқу материалдарын құраудың негізгі өзгерістері мен жаңа тәсілдері ұсынылды.

14 қаңтарда Ұйымдастыру және жоспарлау қызметі «Оқу процесін ұйымдастыру» семинарын өткізді, онда білім беру қызметін құрудың заманауи әдістемелері таныстырылды.

Жалпы, «Қысқы мектеп» біліктілікті арттыру, командалық өзара іс-қимылды нығайту және қызметкерлердің кәсіби өсуі үшін маңызды алаңға айналды. Академияның мұндай бастамалары білім беру ортасын жетілдіруге және кәсібиліктің жоғары деңгейін қолдауға ықпал етеді.