Қазақ ұлттық хореография академиясы, Орталық Азиядағы бірінші және жалғыз хореография саласындағы толық циклді мамандандырылған оқу орны бастауыш сынып оқушыларын іріктеудің басталғаны туралы хабарлайды. Іріктеу бүкіл Қазақстан бойынша 3-4 сынып оқушылары арасында жүргізіледі. Көрулер 2025 жылдың 24 сәуіріне дейін өтеді.

Қазақ ұлттық хореография академиясы кәсіби балет әртістерін, педагогтар мен хореографиялық өнер саласындағы зерттеушілерді даярлау дәстүрлерімен танымал. Академия көп деңгейлі оқытуды жүзеге асырады: бастауыш сыныптардан бастап бакалавриат, магистратура және докторантура бағдарламаларына дейін. Білім беру процесі классикалық және заманауи хореографияны тереңдетіп оқытуды да, жалпы орта және жоғары білімді де қамтиды, бұл түлектерге бүкіл әлемдегі жетекші театрлар мен оқу орындарында мансапты сәтті құруға мүмкіндік береді.

Дарынды балаларды іріктеу хореография саласында кәсіптік оқытуға даярлау мақсатында жүргізіледі. Академияның қабылдау комиссиясы бетпе-бет қарау үшін өңірлерге барады. Наурызда комиссия Маңғыстау облысына (Ақтау қ.) 12-14 наурыз аралығында, Абай облысына (Семей қ.) 12-15 наурыз аралығында, Атырау облысына (Атырау қ.), Павлодар облысына (Павлодар қ.) және Солтүстік Қазақстан облысына (Петропавл қ.) 17-20 наурыз аралығында барады. Сәуір айында Шымкент қаласында, 1-4 сәуірде), Ақтөбе облысында (Ақтөбе қ., 7-10 сәуірде), Қостанай облысында (қ. Қостанай) және Ақмола облыстарында (Көкшетау қ., 14-17 сәуір), сондай-ақ Батыс Қазақстан облысында (Орал қ., 21-24 сәуір). Сондай-ақ онлайн форматта (4 – сыныпқа түсушілер үшін-15 маусымға дейін, 5-сыныпқа түсушілер үшін-15 шілдеге дейін) фотокөрсетілімнен өту мүмкіндігі бар, бұл еліміздің түкпір-түкпірінен мүмкіндігінше талантты кандидаттарды қамтуға мүмкіндік береді.

1-3 сыныптарға қабылдау тек Астана қаласында тұратын балалар үшін ғана жүзеге асырылады. 4-5 сыныптарға қабылдау Қазақстанның барлық өңірлерінен келген балалар үшін жүргізіледі.

Алдын ала қараудан сәтті өткен балалар 2025 жылдың маусым–шілде айларында өтетін түсу емтихандарына қатысу үшін Астанаға шақырылады. Табысты үміткерлер Академияда оқуға мүмкіндік алады және хореография саласындағы жетекші оқу орнының құрамына кіреді.

4-сыныпқа түскен балалар хореографиялық өнер бойынша бейін алдындағы даярлығы бар өнер саласындағы мамандандырылған мектепте, ал 5-сыныпқа түскендер «Балет әртісі» біліктілігінің «Хореография өнері» мамандығы бойынша кәсіптік білім беретін мектеп-колледжінде оқитын болады, оқу кезеңі – 7 жыл 10 ай.

«Атамекен» ҰКП Білім беру бағдарламаларының рейтингісіне сәйкес Академия түлектерінің жұмысқа орналасуы - 100% және Академия студенттері оқуды бітіргеннен кейін Қазақстанның үздік театрларының қатарын толықтырады. Іріктеу өткізілетін күн, уақыт және орын туралы ақпарат Академияның әлеуметтік желілердегі ресми аккаунттарында орналастырылатын болады (https://www.instagram.com/balletacademy_kz, https://balletacademy.edu.kz/kz, https://www.facebook.com/BALLETACADEMYKZ/)