2025 жылғы 28 наурызда Астана қаласындағы «Қазақстан» Орталық концерт залында Қазақстан Республикасының Мәдениет және ақпарат министрлігінің ұйымдастыруымен «Наурыз Бал» дипломатиялық кеші өтті. Іс-шара дипломатиялық корпус өкілдері мен мәдениет пен өнердің көрнекті қайраткерлерін біріктірген жарқын мәдени оқиғаға айналды.

Кеш бағдарламасында музыкалық және би қойылымдары ұсынылды. Олардың ішінде Қазақ ұлттық хореография академиясының хореография факультеті студенттерінің өнер көрсетулері ерекше атап өтілді. Жас әртістер классикалық және ұлттық биді үйлестірген нәзік қойылымдар ұсынды.

«Наурыз Бал» қазақ дәстүрлерінің байлығын паш етіп, халықаралық мәдени алмасудың алаңына айналды. Бұл кеш өнердің халықтарды біріктіретін әмбебап тіл екенін тағы бір мәрте дәлелдеді.