Халықаралық ынтымақтастық және қоғаммен байланыс бөлімі Академия студенттерінің ағылшын тілін жетілдіру мақсатында «American Corner Astana» орталығымен бірлесіп ақпараттық кездесу өткізді. Кездесу 2025 жылғы 28 наурызда сағат 15:00-де 447 аудиторияда (оқу корпусы) өтті.

Іс-шара барысында «American Corner Astana» өкілдері орталықтың қызметіне, сондай-ақ IELTS Prep Club, Speaking Club және т.б. іс-шараларды қоса алғанда, ағылшын тілін дамыту мүмкіндіктеріне арналған презентация ұсынды. Сонымен қатар, қатысушылар АҚШ-та оқу перспективалары туралы мағлұмат алды. Сонымен бірге, АҚШ тарихы мен мәдениеті тақырыптарын қамтитын викториналар мен интеллектуалды ойындар өткізілді.

«American Corner Astana» негізгі міндеті – мәдениетаралық алмасуға мүмкіндік жасау, екі ел арасындағы өзара түсіністікті нығайту және АҚШ елінің қоғамдық дамуы мен мәдени құндылықтары туралы ақпарат беру.

Ағылшын тілінің сөйлеу дағдыларын жетілдіру үшін орталық аясында шешендік шеберлік клубтары, киноклубтар, пікірсайыс клубтары және басқа да бастамалар жұмыс істейді. «American Corner Astana» мәдени-білім беру бағдарламаларына қатысу волонтер болуға, ағылшын тілінде сөйлейтін ортада уақытты тиімді өткізуге және Қазақстанда да, АҚШ-та да жаңа адамдармен танысуға мүмкіндік береді.