Қазақ ұлттық хореография академиясының студенті республикалық байқауда екінші орынға ие болды

Темірбек Жүргенов атындағы Қазақ ұлттық өнер академиясы студенттердің ғылыми-зерттеу жұмыстарының республикалық конкурсының II кезеңін аяқтады, онда Қазақ ұлттық хореография академиясының “хореографиялық өнер педагогикасы” білім беру тобының 1 курс студенті Асқарқызы Жанель ҚР БҒМ 2 дәрежелі дипломын алып, B028 “Хореография” білім беру бағдарламасы тобында екінші орынға ие болды.

Өнертану кандидаты, профессор Ізім Т.О. жетекшілігімен Асқарқызы Жанельдің ғылыми жұмысы “Астана қаласы театрларының шоқтығы биік жұлдыздары”тақырыбына арналды.

Қазақ ұлттық хореография академиясы Жанель Асқарқызына ғылыми қоғамдастыққа қосқан үлесі үшін алғыс білдіреді және оны ғылыми және шығармашылық қызметте одан әрі табыстар тілей отырып, лайықты жеңісімен құттықтайды.