«Алтын ұя» интернаты (жатақхана) 4-9 сынып, колледждің 1-3 курс оқушыларына, бакалавриат студенттеріне, магистранттар мен докторанттарға арналған.
Интернатта жайлы тұру үшін жағдай жасалған:
– заманауи техникалық жабдықталған материалдық база бар,
– білім алушылардың өмірі мен денсаулығын қорғаудың тәулік бойы қызметі жұмыс істейді,
– тәрбиеленушілердің бос уақыты ұйымдастырылған,
– санитарлық-гигиеналық нормалар мен ережелер сақталады.
Интернаттың өз дәстүрлері қалыптасқан, олардың арасында «Сәлеметсің бе, Алтын ұя» тұрғын үй корпусымен танысу, бірінші курс студенттерін «Достық шаңырағы» колледжінің 2, 3 курс студенттерімен таныстыру және тағы басқалар бар.
Ата-аналар мен интернаттың педагогикалық ұжымының тәрбие ісіндегі күш-жігерін біріктіру, интернаттағы тәрбие процесіне үлкен ашықтық беру үшін жалпы және жеке мәселелерді тез және тиімді шешу үшін ортақ ата-аналық чат құрылды. «Жеті ата және шежіре», «Менің отбасымның құндылықтары», «Отбасы – өмірдің сиқырлы символы», «Отбасы – жеті «Мен», «Менің отбасым – менің тірегім», «Менің отбасымның әдет-ғұрыптары мен салт-дәстүрлері» және т.б. іс-шаралар дәстүрге айналды.
Оқу жылы бойы оқушылар үйірмелердің жұмысына үлкен ынта-жігермен қатысады: бізбен және ілмекпен тоқу, бисер тоқу, тігу, гүлдерден дизайнерлік композициялар жасау, майлықтардан, желпуіштерден ашықхаттар жасау, түрлі аспаздық тағамдарды дайындау өнеріне баулу, ас үй аспаптарын меңгеру және пайдалану дағдыларын игеру.
Интернат қабырғасында балалардың туған күндерін тойлау дәстүрі, ойын түрлерін өткізіп, шай ішу дәстүрі жалғасуда. Бейресми орта мен үй атмосферасы балаларды өзара достық тығыз қарым-қатынасқа тәрбиелейді және өзінше шынайы, отбасылық жайлылық жасайды.
Демалыс күндері интернат тәрбиеленушілерінің бос уақыты қызықты, мазмұнды және әртүрлі өтеді. Демалыс күндері олар үшін мемлекеттік және қалалық музейлерге ұжымдық экскурсиялар, «Астана Опера», «Астана балет» театрларындағы түрлі концерттер мен театрлық қойылымдарға, көркем көрмелерге бару және кинотеатрлар мен интернаттың демалыс бөлмелерінде қызықты фильмдерді бірлесіп көру ұйымдастырылады. Жексенбі күндері тәрбиеленушілер баскетбол, волейбол, футбол бойынша командалық ойындарды Академияның спорт залында және жасанды жабыны бар спорт алаңында өткізеді. Үстел теннисінен жарыстар үнемі өткізіліп тұрады. Колледж тәрбиеленушілері үшін демалыс күндері бассейн жұмыс істейді.
«Алтын ұя» – күн сайын тәрбиеленушілердің қызықты және жан-жақты өміріне толы Академияның жайлы үйі.
Біздің жылы үйімізге қош келдіңіздер!
