ҚАЗАҚСТАН ХАЛЫҚ БИ АНСАМБЛЬДЕРІНІҢ ШЫҒАРМАШЫЛЫҚ ЖОЛЫ
Бүгін біз елімізде халық би өнерінің дамуында өзінің ерекше бағытымен шығармашылық шыңнан көрініп жүрген би ұжымдарына тоқталмақпыз.
Ақмола қаласының Астана кейін Нұр-Сұлтан атанып, Елорданың бас қаласына айналуы өнер мен мәдениет саласы өкілдерінің алдына да жаңа мақсат-міндеттер қойғаны белгілі. Осындай уақыт талабына сай Қазақстан астанасының мәдени-ғылыми әрi рухани-көркемдiк өркендеуiне, қоғамдық тәлiм-тәрбие беруде өз үлесiн қосып жүрген Қазақстан жастар одағы сыйлығының иегері, Мемлекеттік “Наз” би театры мен Астана (Нұр-Сұлтан) қаласы мәдениет басқармасының бұйрығымен құрылған «Шалқыма» халық би ансамблі бүгінгі күні кемеліне келген өнер ұжымдары.