Академияда «Жыл басына таласқан хайуандар» ертегісінің театрландырылған қойылымы өтті

Көптеген ұлттық мерекелер сияқты Наурыздың да өзіндік салт-дәстүрлері мен әдет-ғұрыптары бар. Бүгін оларды 1-4 сынып оқушылары сахнада айқын көрсетті. Балалар «Бесікке салу», «Тұсау кесер», «Бата беру» сияқты салт-дәстүрлердің маңыздылығын жеткізе білді. Бұл күні оқушылар өздерінің түрлі шығармашылық қырларын көрсетті, академияның акт залы әнге, биге және көрермендердің жағымды эмоцияларына толы болды.

Сондай-ақ, көрермендерге «Жыл дауы» қазақ халық ертегісі театрландырылған қойылым ұсынылды. Онда жануарлар адамзат үшін маңыздылығын дәлелдеп, бірінші жыл деп аталу құқығын даулады. Бәрімізге белгілі, кішкентай, бірақ ақылды тышқан өзінің айлакерлігімен жағдайды өз пайдасына айналдырып, бірінші жыл атану құқығын иеленді.

Бұл қойылым дәстүрге айналып, жыл сайын Наурыз мерекесі қарсаңында театрларда ғана емес, Қазақстанның көптеген оқу орындарында да қойылады. Айтпақшы, «Наурызнама» онкүндігін тойлау аясында ұйымдастырылған түрлі қойылымдарға 150-ден астам бала қатысты.