«Астана Опера» Академия оқытушыларына: студенттердің кәсіби шеберлігі үшін алғыс айтамыз

«Астана Опера» Мемлекеттік опера және балет театрының директоры Ғалым Ахмедьяров Қазақ ұлттық хореография академиясының ректоры Бибігүл Нүсіпжановаға және оқу орнының профессор-оқытушылар құрамына академия тәрбиеленушілерінің «Жібек жолы» фестивалі аясында Л.Минкустің  «Дон Кихот» және П. Чайковскийдің «Лебединое озеро» спектаклдеріне қатысқаны үшін алғысын білдірді.

«Астана Опера студенттердің жоғары сапалы қойылымы мен кәсібилігі үшін алғыс білдіреді. Болашақта сіздердің шығармашылық және достық қарым-қатынастардағы қолдауларыңызға, сондай-ақ еліміздегі балет өнерін дамыту игілігі жолындағы ынтымақтастыққа сенеміз», – делінген хатта.