«Әлеуметтік желіде қауіпсіз қарым-қатынас ережелері» жасөспірімдерге арналған тренинг

Әлеуметтік желілер әрбір қазіргі адам өміріне белсенді түрде енді. Әлеуметтік желіде кез келген оқушының өз парақшасы бар. Онда балалар бір-бірімен араласады, өмірлерінен фотолар мен бейнелер жүктейді, желіде жаңа достар табады, сонымен қатар өзін-өзі дамыту үшін көптеген пайдалы ақпарат алады.

Әлеуметтік желінің пайдасы мен зияны таяқтың екі ұшындай. Әлемдік желі бала үшін көптеген қауіпті жасырады.

Желідегі достарының саны үшін жасөспірімдердің жарысын көруге болады. Бірақ бұл неге әкелуі мүмкін? Тәжірибе көрсеткендей, көптеген мектеп оқушылары желідегі «достар» санындағы шамадан тыс ашықтық пен бәсекелестіктің салдары туралы ойламайды.

19, 20, 21, 25, 27 қаңтарда жасөспірімдер арасында «Әлеуметтік желілерде қауіпсіз қарым-қатынас ережелері» тақырыбында тренинг өткізілді. Тренинг 5, 6, 7 сынып оқушылары үшін онлайн форматта өтті. 4-сынып оқушылары үшін тренинг офлайн форматта өткізілді.

Тренинг барысында оқушылар әлеуметтік желілерді пайдалануда белсенділік пен жақсы хабардарлық танытты, бұл осы тақырыптың жасөспірімдердің күнделікті өмірінде өзектілігі мен практикалық қолданысын көрсетеді.