«Мен тәлімгермін» кездесуі
2023 жылғы 14 қыркүйекте жатақханада тұратын студенттердің арасында достық қарым-қатынас пен ұйымшылдық сезімін нығайту, сонымен қатар басқаларға деген құрмет сезімін ояту мақсатында тәрбие жұмысы және әлеуметтік мәселелер бөлімі мен Жастар ісі жөніндегі комитет төрағасы Батхан Әли 1 курс бакалавриат студенттерімен «Мен тәлімгермін» атты кездесу өткізді.
Іс-шараның мақсаты: студенттерге жатақханада тұру ережелері туралы ақпаратты ойын түрінде жеткізу, сонымен қатар жоғары сынып оқушыларының, кіші сынып оқушыларының тәлімгерлігін анықтау.
Іс-шара барысында өнер факультетінің 1 курс магистранты Сәду Бекарыс пен хореография факультетінің 4 курс бакалавры Халел Ернар сөз сөйлеп, студенттердің сұрақтарына жауап берді.
