Шығармашылық жоғары оқу орындары (хореография) профессор-оқытушылар құрамының ICTM халықаралық ғылыми-практикалық қызметіне қатысуын жандандыру
2021 жылғы 2 наурызда Оқу процесін әдістемелік қамтамасыз ету бөлімі Қазақстан Республикасы Тәуелсіздігінің 30-жылдық мерейтойы аясында «Шығармашылық жоғары оқу орындары (хореография) профессор-оқытушылар құрамының ICTM халықаралық ғылыми-практикалық қызметіне қатысуын жандандыру» тақырыбында халықаралық онлайн вебинар өткізді.
Вебинар лекторы: ICTM-нің Қазақстан Республикасындағы өкілі, Т.Қ. Жүргенов атындағы Қазақ ұлттық өнер академиясының «Музыкалық театр» кафедрасының аға оқытушысы.
Вебинарда келесі мәселелер талқыланды:
- Шығармашылық жоғары оқу орындары профессор-оқытушылар құрамының халықаралық ғылыми қызметінің ерекшелігі;
- ICTM-нің музыкалық және хореографиялық өнер саласындағы халықаралық қызметі;
- Халықаралық мәртебені жоғарылату үшін ICTM-ге кіру және оған мүше болудың артықшылықтары;
- Жеке тұлғалар мен ұйымдарға арналған баспа және электронды басылымдарға жазылу жеңілдіктері.
Вебинарға профессор-оқытушылар құрамы, магистранттар, докторанттар, кітапхана, ғылым және халықаралық ынтымақтастық бөлімдерінің қызметкерлері қатысты.
