Академия студенттері Чайковскийдің балеттері бойынша дәріс тыңдады
Белгілі қоғам қайраткері Денис фон Мекк Хореография академиясының студенттері мен оқытушыларына «Чайковский балеттері – тарих және қазіргі заман» атты дәріс оқыды.
2022 жылғы 22 қарашада Надежда Филаретовна фон Мекк халықаралық қайырымдылық қорының негізін қалаушы және жетекшісі Денис фон Мекк Қазақ ұлттық хореография академиясына келді. Академия қонағы композитор П. Чайковскийдің шығармашылығы туралы дәріс оқыды. Дәрісті колледж мектебінің студенттері, сонымен қатар студенттер, магистранттар, оқытушылар үлкен қызығушылықпен тыңдады. Лектор ұлы композитордың шығармашылығына ғана емес, өмір жолына да тоқталды.
«Сіздер шығармашылық оқу орнында оқисыздар, хореографияны таңдау арқылы өз талабыңызды тапқаныңызға сенімдімін», – деді фон Мекк.
Сонымен қатар, ол Чайковскийдің досы және меценаты Надежда фон Мекк туралы айтты, оның арқасында композитор баға жетпес шығармашылық мұра қалдырды.
Денис Андреевич фон Мекк – қоғам қайраткері, коллекционер, меценат, фон Мекк, Чайковский, Давыдовтар отбасының ұрпағы. Отбасылық тарихшы, зерттеуші, публицист, баспагер, көптеген ресейлік және шетелдік мәдени-тарихи қоғамдардың мүшесі. Архивтік, ғылыми-зерттеу жұмыстарын, халықаралық іс-шараларды жүргізеді, фестивалдер мен байқаулар өткізуге ықпал етеді.
Надежда Филаретовна фон Мекк (1831–1834) – филантроп, теміржол магнаты Карл Федорович фон Мектің әйелі. Петр Ильич Чайковскийдің жақын досы және меценаты. Ол оны материалдық жағынан да, моралдық жағынан да қолдап, (Чайковскийдің өзі хаттарында жазғандай) композитордың «ең жақсы досы» болды. Олар жүзбе-жүз кездеспей-ақ қаламдас достар болды, бірақ олар бір-біріне құда болуды жоспарлады. Осылайша, олардың күш-жігерімен фон Мектің ұлы Николай Чайковскийдің жиені Анна Давыдоваға үйленді. Оның К. Дебюсси, Г. Вениавски және т.б. тағдырына әсері туралы аз мәлімет бар. Ол көп миллиондық бизнесті басқарып, бір уақытта 11 баланы тәрбиелеп отырған кәсіпкердің тамаша үлгісі болды. Оның отбасы мен балалары Ресейдің экономикасына, әлеуметтік өмірі мен мәдениетіне елеулі үлес қосты.
