Қазақ ұлттық хореография академиясы оқытушысының жетекшілігімен «University Medical Center» вена балы өтті

22 желтоқсанда Назарбаев Университетінің қабырғасында «Вена балы» өтті. Оған 22 би жұптары қатысты. Балға қатысушыларды хореография кафедрасы деканының орынбасары Евгений Моисеев пен Қазақ ұлттық хореография академиясының студенттері дайындады.

17 қараша күні «University Medical Center» корпоративтік қорының қызметкерлерімен алғашқы репетициялар басталды. Бір ай бойы хореограф Вена балының 44 қатысушысымен жұмыс істеді. Нәтижесінде Евгений Моисеевтің жетекшілігімен 8 би қойылды, олардың ішінде: «Жаппай полонез», «Вена вальсі» және жеке нөмірлер.

Өз кезегінде «University Medical Center» корпоративтік қорының төрағасы Юрий Пя тамаша би бағдарламасы үшін алғысын білдіріп, хореографтар мен Қазақ ұлттық хореография академиясының басшылығын алғыс хаттармен атап өтті.

Хореограф Евгений Моисеевтің айтуынша, бұл басты шара еліміздің жастары арасында заманауи әлемдік мәдениетті насихаттау, олардың классикалық музыка мен биге деген қызығушылығын ояту, әлеуметтік этикетпен таныстыру және жастар арасында демалыс пен ойын-сауықтың жаңа дәстүрін қалыптастыру мақсатында өткізіліп отыр.

«Вена балы» Назарбаев Университетінің қабырғасында алғаш рет өтіп жатыр, бірақ ұйымдастырушылар мұндай би шарасы дәстүрге айналып, жыл сайын өткізілетініне сенімді.