Академияда оқу эвакуациясы өтті

19 сәуірде Қазақ ұлттық хореография академиясында кезекті оқу эвакуациясы өтті. Іс-шара оқу орнының оқу, тұрғын үй және балет корпустарында өткізілді.

Іс-шараның мақсаты – өрт қауіпсіздігін қамтамасыз ету, өртке қарсы режимді сақтау, жауапты қызметкерлердің өрт немесе террористік акт қаупі кезінде адамдарды эвакуациялау дағдыларын пысықтау.

Жаттығудың бірінші кезеңінде қолдан жасалған жару құрылғысы мен жану ошағының пайда болуын анықтау және Академияның оқу корпусының үшінші қабатында бір уақытта 16 сағат 00 мин.00 сек. өрт хабарлауының қол датчиктерін қосу имитацияланды.

Автоматты өрт дабылын кері қайтарып алу уақыты қолмен хабарлау датчиктерін қосу мен автоматты өрт дабылын іске қосу арасындағы нормативтік уақытты құрады. Штаттық режимде автоматты өрт дабылы іске қосылды, белгіленген бағдарламаға сәйкес лифт шахталарында және баспалдақ торларында ауаны қысу  және барлық ғимараттан түтінді шығару, қолжетімдікті бақылау жүйесін бұғаттан шығару, сонымен қатар барлық лифттерді бірінші қабатқа автоматты түрде түсіру және лифттардың есіктерін ашу іске қосылды. Академия ғимаратының барлық қабаттарында хабарлау дабылы жұмыс істеді.

Инженер-энергетик және кезекші электрик бірінші кезектегі іс-қимылдар туралы нұсқаулыққа сәйкес ғимараттағы электр қуатын өшіруді имитациялады. Кезекші слесарь-сантехник № 7, 8, 9 бекетінің күзет қызметкерлерімен бірлесіп № 6 Мамандандырылған өрт сөндіру бөлімінің өрт сөндіру топтарын қарсы алуға дайындығы туралы баяндады. Күзет қызметкерлері Академия аумағының барлық қақпаларын және ғимараттардан эвакуациялық шығу жолдарын уақытында ашты.

«Академия корпустарынан жалпы эвакуация 7 минуттан аз уақытты алды. Эвакуациядан кейін біз Академия қызметкерлері мен оқушыларына объектілік жаттығулардың маңыздылығы түсіндірілді, алғашқы медициналық көмек көрсету үшін қандай әрекеттер жасау керектігін және қарапайым жеке қорғаныс құралдарын қалай қолдану керектігі туралы айтылды. Жаттығу ойластырылған сценарийге сәйкес өтті, қойылған мақсаттарға қол жеткізілді», – деп атап өтті Академияның азаматтық қорғаныс және төтенше жағдайлар жөніндегі жетекші маманы Илюбай Раимов.