Академияда «Өзіме саяхат»: тренингтер топтамасы өткізілді

Қазақ ұлттық хореография академиясында 9 күн бойы кәсіптік білім беру мектеп-колледжінің студенттері үшін «Өзіме саяхат” тренингтер циклі өтті. Тренингті Академия қызметкері, педагог-психолог Марал Ибрагим өткізді.

Тренингтер сериясы студенттердің өзіндік бірегейлігі туралы түсініктерін қалыптастыруға және өздерінің «Мен» сезімін түсіну қабілетін дамытуға бағытталған. Тренинг барысында студенттерге «Жұлдызды аспан» проекциялық шамының көмегімен адам ойының әсері, оның өзіне деген көзқарасы туралы мысал көрсетілді. Сонымен қатар студенттер өзін-өзі таныстыру дағдыларын дамытуға бағытталған «Мүсін» жаттығуын орындады.

Іс-шара соңында өзін-өзі көрсету ретінде студенттер өзгелердің оларға деген қарым-қатынасы олардың өзін-өзі бағалауына байланысты болған кездегі өмірден алынған мысалдарымен бөлісті.